خۆراکی
یەکەم جار ساڵی ١٨٢١ لەلایەن کەڕووزانی سوێدی ئەلیاس ماگنووس فرایسەوە وەسفیکراوە. تیرەی کڵاوەکەی ٨٠ تا ١٥٠ میلیمەترە. رەنگی قاوەیی تا قاوەیی خاکییە؛ و کڵاوەکە شێوەی گومەزییە؛ و پارچەی ناڕێک و جیاوازی پاشماوەی پەردەکە بە سەر ییەوە دەنووسێت. کە بۆڕ دەبێت ئەوەندە دەکرێتەوە کە تەخت دەبێت. لە کاتێکدا کە زۆربەی ئەمانیتاکان شیپەڕەیان ئازادە هی ئێکسیڵسا رەنگی سپییە و زۆر لە یەکترییەوە نزیکن و بە قەدەکەوە نووساون.
قەدەکەی ٨٠ تا ١٢٠ میلیمەتر درێژە دەبێت و ئەستوورییەکەی ١٥ تا ٢٥ میلیمەتر دەبێت. رەنگی سپییە و ئەڵقەیەکی پتەو بەلای سەرووی قەدەکەوەیە. بنەکەی ئەستوورە بەڵام کاسەی راستەقینەی نییە. ئەم چەشنە قارچکە هاوژینە لەگەڵ درەختە رەقەکان و نەرمەکان و بە زۆری لە دەوروبەری دارستانە تێکەڵاوەکان دەبینرێت. رەنگی هاگەکانی سپییە بەڵام بۆنی خۆش نییە.
سەرچاوە
No comments:
Post a Comment