کوشندە
تیرەی کڵاوی ئەمانیتا ئێکزیشیاڵیز ٤٠ تا٧٠ میلیمەتر دەبێت. شێوەی زۆپ تا تەختە و هەندێک جاریش دەبێتە چاڵ. رەنگی سپییە و هەندێک جار قەیماغییە. لێوارەکانی هێڵدار نییە و گۆشتەکەیشی سپییە. شیپەڕەکانی ئازادن و بە قەدەکەیەوە نەنووساون. رەنگیان سپییە و زۆر لە یەکترییەوە نزیکن.
درێژژیی قەدەکەی ٧٠ تا ٩ۆ میلیمەتر، و تیرەی ئەستوورییەکەی ٥ تا ١٠ میلیمەتر دەبێت. رەنگی سپییە، لووسە و هەندێک جار ریشاڵۆکی ووردی پێوەیە؛ شێوەی لوولەکییە و تۆزێک لایە سەرەوەی باریکترە لە لای خوارووی. بنی قەدەکە سەلکەکی نیمچە گۆییە و بەرینییەکەی ١٠ تا ٢٠ میلیمەتر دەبێت. کاسەکەیش بە سەلکەکەوە دیارە. تەنک و دەزوولەییدارە و بەرزییەکەی دەگاتە ٧ میلیمەتر. دەر و دوڕی کاسەکە سپییە. ئەڵقەکەیشی گۆشەدار تا نیمچە گۆشەدارە و تەنکە و دەزوولەدارە و رەنگی سپییە و لەشێوەی داوەنی کراسە. کاتێک کە شلەی هایدرۆکسید پۆتاسیۆم بەر هەر شوێنێکی دەکەوێت رەنگی دەگۆڕێت بۆ زەرد.
سەرچاوە
No comments:
Post a Comment