ناوە گشتییەکەی بریتییە لە ئەمانیتای سیزاری رۆژهەڵات. کوارگێکی خۆراکییە و لە نێو تەڕاشەکانی رۆژهەڵاتی کانەدا، ویلایەتە یەکگرتووەکان و مەکسیکۆ دەبینرێت. رووانی لە دارستانەکانی سنەوبەر و بەڕوودا لە ناوچەکانی باکووری کارۆلینا ئاساییە. لە مانگەکانی هاوین و پاییزدا دەڕوێت. لە دوورەوە دیارە و لەگەڵ هەڵکشانی تەمەنی لە لێوارەکانی کڵاوەکەیەوە دەسدەکات بە کاڵبوونەوەی رەنگە سوورەکەی. قەدەکەی نارنجییە و ووردە ریشاڵی پێوە دیارە.
کڵاوی ئەم قارچکە بۆی هەیە تا دەوروبەری لە ٥٠ تا ١٢٠ میلیمەتر پان بێت. سەرەتا هێلکەییە، دووایی قۆقز دەبێت و شێوە کۆسپەیەک لە نێوەڕاستییەوە دروستدەبێت. شیپەڕەکانی زۆر بە چڕی پاڵیانداوە بە یەکترییەوە. رەنگیان زەردی نارنجییە و بە بەژنەکەیەوە نەنووساون یان کەمووسکەیەک پێیەوە نووساون.
قەدی کارگی ئەمانیتا جاکسنی٩٠ میلیمەتر تا ١٥٠٠ میلیمەتر درێژ دەبێت؛ و ١٠ تا ١٥ میلیمەتر ئەستوور دەبێت. رەنگی بەژنەکەی زەردە و ریشاڵی نارنجی و سووروەشی تێدا دیارە. هەروەها ئەڵقەیەک بە دەوری قەدەکەیەوە هەیە کە وەک داوێنی کراس پێیدا شۆڕدەبێتەوە. لە بنەکەیشی کاسەیەکی هەیە لە ٤٠ تا ٧٠ میلیمەتر بەرزە و ٤ میلیمەتر ئەستوورە.
گۆشتی ئەم کوارگە لە ژێر توێژە زەرد و سوور و نارنجییەکەیدا سپی یا زەردی کراوەیە و رەنگیشی ناگۆڕێت. کاتێک کە هایدرۆکسیید پۆتاسیوم بکرێت بە سەر کڵاوەکەیدا رەنگی دەگۆڕێت بۆ زەرد. رەنگی هاگەکانیشی سپییە.
هەرچەندە ئەم قارچکە خۆراکییە بەڵام پێویستە ووریایی و هۆشیاریی زۆر بخرێتەکار بۆ ناسینی؛ چونکە لە شێوەدا زۆر لە چەشنە کوشندەکانی ئەمانیتاوە نزیکە.
سەرچاوەکان
No comments:
Post a Comment