ئاسپەرگیلووس یەکێکە لە جسنەکانی کەڕوو کە سەدان جۆر برش لە خۆی دەگرێت. ساڵی ١٧٢٩ بۆ یەکەمجار عابید و زیندەزانی ئیتاڵیایی پییەر ئانتۆنیۆ میچلی( Pier Antonio Micheli) ئەم برشەی بە گەردبین سەیرکرد و خستییە ریزبەندییەوە. لە ناوبردنی ئەم برشە لە ماڵدا بە پاککردنەوە بە ئەڵکهۆڵ یا بە رادانی هەوا لە ژووردا مسۆگەر دەبێت. ئەم برشە زۆرتر لە سەر ماددە خۆراکییەکان دەڕوێت. لە دانەوێڵەکانەوە بگرە تا گوێز و بادام و وشکەبارەکانی تر. رەنگی رەشە و کوشندە و ژەهراوییە؛ لەوانەیە زۆر کەس لەسەر نانی کۆن کەڕووی رەشی دیتبێت، کە لە راستیدا ئەم ئاسپەرگیلووسەیە لێردەا باسی لێوەکرا و جۆرەکەی بریتییە لە ئاسپەرگیلووس نایگەر.
بەڵام ئەم کەڕووەی کە لەم ڤیدیۆیەدا باسی دەکرێت جۆرێک کەڕووە لە جسنی ئاسپەرگیلووس و جۆری تیووبینجینیسس کە ساڵی ٢٠١٧ لە دوای ئەزموون و تاقیکاری لە پاکستان، دەرکەوتووە کە توانستی داڕزاندن و لەناوبردنی پلاستیکی هەیە. ئەم کەڕووە بەرهەڵستییەکی زۆری هەیە لە بەرامبەر تیشکی ژوور وەنەوشیدا و بەرگەی گەرمای ٣٠ تا ٣٧ی سەدی دەگرێت. توانای بەرهەمهێنانی ژەهری مایکۆتۆکسین و ئۆکراتۆکسینی هەیە. حەزی لە ژینگەی گەرمە و لە زۆر وڵاتی وەک کرواتیا و هۆڵەند هەیە و بەشێوەی ئاسایی لە باکووری کورستان لە ماڵاندا هەیە.
