وەک پێشتر لە چەند بابەتێکدا باسمان کردووە، قارچکی مێڵەگورگانە یا کۆردیسێپس یەکێک لەو جۆرە کوارگانەیە کە لەسەر لاشەی زیندووی زیندەوەر دەڕوێت و گەشەدەکات و سەرەنجام زیندەوەرەکە دەکوژێت. ئەم جۆرە قاچکە بە هۆی ئەو خەسڵەتە باشە دەرمانییانەوە کە هەیەتی، نرخی زۆر گرانە و بۆ مەبەستی بازرگانی دەڕوێندرێت.
لەم وێنانەی خوارەوەدا تێزاندنی هاگی کارگی مێڵەگورگانە لە لاشەی کرمی ئاوریشم؛ و دوواتر رووان و گەشەکردنی کوارگەکە و تا دەگاتە دووا هەنگاوی چنینەوەی بەرهەمەکە نیشان دراوە و هەنگاو بە هەنگاو سەرنجی لەسەر دراوە. ئەمە تەنیا نموونەیەکە مەرج نییە تەنیا کرمی ئاوریشم بۆ مەبەستی روواندن بەکاربهێنرێت؛ مرۆڤ دەتوانێ زۆر جۆرە کرمی تر بەکاربهێنێت؛ ئەوە پەیوەندیی بەمەوە هەیە کە تۆ لە وڵاتەکەی خۆت چ جۆرە کرمێک زۆرە و بە ئاسانی دەستت دەکەوێت.
شایانی باسە کە ئەم جۆرە قارچکە لەم ساڵانەی دوواییدا بەشێوەی بازرگانی لە دەفرگەلی شووشەیی بچووکدا و لەسەر ناوەندی خۆراکیی وەک برنج دەڕوێندرێت و زۆر سەرکەوتوو بووە؛ هەرچەندە لەلایەن بەکارهێنەرانەوە ئەو بایەخەی پێنەدراوە کە بە کارگی مێڵەگورگانەی سروشتی دەدرێت.
No comments:
Post a Comment