ئەم ژنە کە لە وێنەکەدایە ناوی [کەیتی ئایەرس]ە و خەڵکی ئەمریکایە. ئەم وێنانەی لە فەیسبوک داناوە و دەڵێت کە ئەم بەلەمە تازەترین کاری ئەوە کە لە کارگی گانۆدێرما لوسیدیەم دروستکی کردووە.
کارگی گاندۆدێرما لوسیدیەم خۆی بە شێوەی سروشتی لەسەر هەندێک جۆری درەخت دەڕوێت کە یەکێک لەو درەختانە بەڕووە. کەیتی هاگی قارچکی گانۆدێرمای لەسەر ئاردەدار روواندووە. بۆ ئەم مەبەستەیش سەرەتا بە تەختە چوارچێوەیەکی دروستکردووە و شێوەی بەلەمی پێداوە؛ ئینجا هاگی قارچکەکەی لە ئاردەدار دا روواندووە و دایپۆشیوە و ژینگەی گونجاوی بۆ دابینکردووە تا هاگەکە گەشەی کردووە و بووتە ریسوو [مایسیلیەم] و بە باشی گەشەی کردووە و هەموو چوارچێوە تەختەکەی داپۆشیوە. وەک لە وێنەی یەکەمدا دیارە کەیتی لە نێو بەلەمەکەدایە و لێیدەخوڕێت. ئەو دەڵێت دوای هەر گەشتێکم بە نێو ئاودا بەلەمەکەم هەندێک لە بەرهەمی کوارگم بۆ دروست دەکات. ئەگەر سەیری وێنەکانیش بکەیت دەبینیت کە لە دوا وێنەدا کوارگی گانۆدێرما لەسەر لێواری بەلەمەکە روواوە. ئەم جۆرە قارچکە یەکێکە لە جۆرە دەرمانییەکان و باشترین چارەسەر بۆ چەندین نەخۆشیی وەک شەکرە، شێرپەنجە، گوشاری خوێن، نەخۆشیی پێستی و بەهێزکردنی سیستمی بەرگریی لەش.
 |
| لێرە کوارگ روواوە |
No comments:
Post a Comment