کوشندە
قارچکێکی زۆر ژەهراوییە. یەکەم نموونەی ئەم قارچکە ساڵی ١٨٩٧ لە نیویۆرک کۆکرایەوە و لەلایەن چارڵز پێکەوە وەسفیکرا. لە باشووری کانەدا و ویلایەتی ویسکۆنسین و نیویۆرک دەبینرێت. لە خاکی لمیندابە تاک و بە کۆمەڵ دەڕوێت. بە هاوژینی لەگەڵ درەختی بەڕوو و سنەوبەر و گاگۆڕاڵی کانەدایی، راجدا دەڕوێت. ئەم قارچکە دەگمەنە و زۆر نابینرێت.
تیرەی کڵاو کارگی ئەمانیتا ماگنیڤێڵاریس ٤٠ تا ١٢٧ میلیمەتر دەبێت. رەنگی سپی تا قیماغییە یا سپیی زەردواشە. لەکاتی نمناکیدا دیسناکە. سەرەتا زۆپە و پاشان تەخت دەبەت و سەرەنجام دەگۆڕێت بۆ رووچاڵ لە کاتی بۆڕبوونیدا. هەندێک جار پارچە و لەت و کوتی کاسەکە بەسەریەوە دەمێنێتەوە. شیپەڕەکانی بە شێوەی جیاواز بە قەدەکەوە نووساون، یا ئازادن. لە یەکترییەوە نزیکن و رەنگیشیان سپییە، هەندێک جاریش کەمێک ئاڵی تڵخن. ئەمانە باسی بۆنەکیان نەکراوە.
درێژیی قەدی ئەمانیتا ماگنیڤێڵاریس ٧٠- ٧ا ١٧٨ میلیمەتر و تیرەی ئەستوورییەکەی ١٢،٥ میلیمەتر دەبێت. رەنگی قەدەکەیش سپییە و لای سەرووی کەمێک باریکترە لە لای خواروو؛ هەروەها ووردە تفردارە و جۆرێک لەپکەی پێوەیە. ئەو سەلکەی کە بە بنی قارچکەکەوەیە بەرینییەکەی دەگاتە ٢٠ میلیمەتر و تا بەرەوە بنەوە دەچێت باریکتر دەبێت. ئەڵقەیەکی بەرینیش بە سەرووی قەدەکەوە دەبینرێت. رەنگیشی سپی تا قەیماغیی زەردە و دیوی خوارووی ووردە تفری پێوەیە. کاسەکەی سپی تا خاکیباوە و پتر لە ئەمانیتا بیسپۆراجیرا نێوانی هەیە لەگەڵ قەدەکەدا.
سەرچاوە
