مایکۆفۆبیا واژەیەکی لێکدراوی یوونانییە کە پێکهاتووە لە دوو واژەی (مایکۆ) بە مانای کەڕوو، و (فۆبیا) بە واتای ترس یا فەرهـ.
بەسەریەکەوە واتە ترس لە کەڕوو یا ترس لە کوارگ. ترس لە کوارگ و کەڕوو دەبێتە هۆکار بۆ ئەوەی کەسەکە نەوێرێت قارچک بخوات.
بەشێوەیەکی گشتی ترسان دوو هۆکاری دەروونی و ئەندەروونیی هەیە. هۆکاری دەروونی پێکدێت لە بۆماوەیی و جینێتیک و زۆر نەریت و کەلەپووری کۆمەڵایەتی. هۆکاری ئەندەروونی پێشینەی کارەسات و رووادی تاڵ و نەخوازراو دەگرێتە خۆ کە کەسەکە دەترسێنێت و ناچاری دەکات بۆ پێشگیری لە دووپات بوونەوەی، خۆی لە کوارگ دوور بگرێت و لە راستیدا لێی بترسێت؛ بە چەشنێک کە زۆر جار لێی رادەکات. ئاستی ترس لە کارگ لە کەسێکەوە بۆ کەسێکی تر دەگۆڕێت؛ هەربۆیە نیشانەکانیشی جیاوازن. بۆ وێنە دەکرێ کەسی تووشبوو بە کەڕووفەرهی یا مایکۆفۆبیا یەکێک یا چەند لەم نیشانانەی تیادا بێت: ترس، دڵەڕاوکێ، نیگەرانی و پەرێشانی، تەنگەنەفەسی، دڵەخورپە، لێدانی خێرای دڵ، ئارەقکردن، هێڵنجدان، زمان تێکئاڵان، وشکبوونی ناودەم و هەڵ لەرزین. پزیشکان هەندێک دەرمانی ئارامکەرەوە دەدەن بە نەخۆش بەڵام لە راستیدا هیچ دەرمانێکی کیمیایی چارەسەری کەڕووفەرهی ناکات. تاکە چارەسەر بۆ ئەم نەخۆشییە بریتییە لە راوێژکردن، چارەسەری مۆگناتیزی، چارەسەری دەروونی و بەرنامەڕێژیی زمانەدەمارناسی (نیۆرۆلینگویستیک پرۆگرامینگ). چونکە نەخۆشییەکە نەخۆشییەکی بەکتریایی، نیتگی یا کەڕووزا نییە بۆیە تەنیا لەم رێگایانەوە دەرمانی ئەم بیمارییە دەکرێت.
سەرچاوە:
