دەوفوو یا بە شێوازی ئینگلیسی "تەوفوو" خۆراکێکی سەداسەد رووەکییە و پڕە لە پرۆتین و ئاسن و کالیسیۆم و مەگنیسیوم.
دەوفوو کە دەکرێ بە کوردی پێی بڵێین پەنیری باقلە لە باقلەی سۆیا دروست دەکرێت.
سەرەتا باقلەکە لە ئاودا دەخووسێنرێت؛ ئینجا ورد ورد دەهاڕدرێت. دوای ئەوە کەمێک ئاوی تێدەکرێت و لە سەر ئاگر گەرم دەکرێت. پاشان دەپاڵێورێت. شیر و تڵتەکەی لێک جیا دەکرێتەوە. تڵتەکەی لەگەڵ شلە و خۆرشت تێکەڵدەکرێت و دەکرێتە چێشت. شیرەکەیشی هەوێنی لێدەدرێت و کەمێک لەسەر ئاگر گەرم دەکرێت تا دەبێتە دەڵەمە. ئینجا دەڵەمەکە دەپاڵێورێت و وەک سەلکی پەنیر دەگوشرێت. دوای ئەوە بەشێوەی لاکێشەیی دەبڕدرێت و لە سارنجۆکدا هەڵدەگیرێت و پێی دەڵێن دەوفوو. دەوفوو دەکرێت لە رۆندا سوور بکرێتەوە یان لەگەڵ شلە و خۆرشت تێکەڵ بکرێت. لە وڵاتانی ئاسیای رۆژهەڵات، ئەوانەی رووەکخۆرن لەبری گۆشت دەوفوو دەخۆن.
No comments:
Post a Comment